这个可能是尺度最大的电视节目

相比起香港嘅综艺节目，近年来内地制作嘅综艺节目无论从制作质量、尺度都已经赶超香港，甚至成为一种“特色”（不黄不是好段子、不讽刺才是不尊重...仅代表个人观点，与羊城网无关）

例如依家最受人欢迎嘅《奇葩说》、《吐槽大会》、《火星情报局》等。

《奇葩说》图片

《奇葩说》图片

《吐槽大会》图片

《吐槽大会》图片

《火星情报局》图片

呢类节目喺中国越来越受欢迎，都越来越受年轻人追捧，因为呢啲节目“尺度大”，睇得够刺激。

但系论尺度，我个人认为，远远比唔上1989年亚视（ATV）呢档清谈节目！

《今夜不设防》系当时香港较为大胆嘅电视节目，主持人系香港四大才子嘅其中三个：黄霑、蔡澜、倪匡。

黄霑（1941年3月16日－2004年11月24日），原名黄湛森，粤语流行乐界第二代词人,被视为七十年代中期粤语流行曲振兴后的重要人物。生于广东广州，籍贯广东番禺，在八兄弟姊妹中排行第六，幼年在西关生活，住在宝华路十六甫东街四巷的一座大宅里。2004年11月24日，黄霑因肺癌逝世，终年63岁。

蔡澜（1941年8月18日－），新加坡出生，祖籍广东潮州，曾留学日本，之后移居香港任电影制片人、作家、主持，是香港著名食家。1990年代中，蔡澜开始进军饮食业，2012年担任中央电视台纪录片《舌尖上的中国》总顾问。

倪匡（1935年5月30日－），原名倪聪，字亦明，祖籍中国浙江宁波镇海，生于上海，香港著名作家、编剧、节目主持人，是女作家亦舒的兄长。曾经日写过万字的倪匡坦言自己已过了写作的高峰期，不是不想写，而是“写不出，配额已用尽了”。写作令倪匡名成利就，他也因此而一度意气风发，沉迷于酒色财气，1986年信奉基督教后，才逐渐摆脱各种生活恶习。

三大才子共聚，冇文绉绉嘅话题，每句话都冇字字珠玑，靠嘅系三位才子本身嘅才华同见识，就将一个又一个八卦“吹”成城中热话。

监制赵汝强都表示：只要唔违反香港法例，乜嘢都可以出街！所以节目里面：饮酒、食烟、爆粗都系允许嘅。（就连哥哥张国荣上到节目，都食咗几支烟）

点解我觉得《今夜不设防》尺度大？对唔住，要更正下！

《今夜不设防》系我睇过最大尺度而且最有娱乐性嘅节目，同大家做一个小对比：

**《奇葩说》钟意搵一啲少人提、甚至冇人敢题嘅话题进行辩论，大家睇得好过瘾。《今夜不设防》反而系将八卦“挖到底”，例如“成龙究竟同几个女明星一齐过”、“泰迪罗宾点解咁矮”、“张国荣个处究竟几时冇”......

《奇葩说》图片

**《吐槽大会》搵一班“有黑点”嘅明星，畀其他明星围攻吐槽，自己都要绝地反击！《今夜不设防》反而比机会各位明星，坦白自己各种秘密，例如“张国荣被谭咏麟fans嘘落台”、“钟楚红刚出道争啲畀人强奸”、“王祖贤被林青霞用刀㓤大腿”......

《吐槽大会》图片

**《火星情报局》薛之谦声情并茂、动作兼备嘅黄段子风靡全国。《今夜不设防》唔讲黄段子，反而系更加大胆咁讨论性、爱，例如“蔡澜嘅识女仔座右铭”、“曾志伟如何挑选一个电影监制”、“王祖贤大胆倒追齐秦”......

《火星情报局》图片

当然，口讲无凭，我都准备咗部分节目金句同明星自白畀大家欣赏下。

“有一次，我同蔡澜去南斯拉夫睇景，顺便想搵嘅当地嘅制片人。睇景睇咗三日，好顺利，但系蔡生话，‘呢个制片唔用得！’，点解呢？蔡生话，‘三日了，呢个制片净系带我哋去睇景，一句都冇问过我哋要唔要女人！’咁咪唔识做嘢、冇效率咯！”

——曾志伟

“蔡生识女仔，有一个人生观：问，就五十五十；唔问，就零！”

——曾志伟

“我当年喺丽的（做新人），有次有个大show，我唱完首歌，顶帽一飞，已经一揸人喺度嘘。我一回头，发现有顶帽飞过嚟，就系自己嗰顶......仲未完，返到屋企，有人电话录音同我讲：你收档啦，唔该你读多啲书啦，你怕唔怕淤嘎！”

——张国荣一生人最唔开心嘅三件事之2

“86年金曲颁奖，嗰年谭咏麟攞三只歌同最佳男歌手，我得一只，但系我有金曲金奖《有谁共鸣》。我一出场，畀阿麟啲fans嘘到我只狗咁！我当时对住个麦，两个选择：第一我忍咗你哋，我唱完首歌返后台。第二我就妈叉返你哋，跟住我就唔捞！”

——张国荣一生人最唔开心嘅三件事之3

“除咗李小龙，我哋有咩电影打得入国际市场？未有过，就算ET畀咗我哋拍、星球大战畀我哋拍，我哋都唔识拍......睇到佢哋啲片，我就觉得自己系幼稚园。”

——成龙谈香港电影

“我成日同阿麟（谭咏麟）讲，‘你以为你唱得好好啊，你系靓仔啫’。呢个世界系唔公平嘎。”

——许冠文

20年前嘅《今夜不设防》，与其话“大尺度”，不如话"够真实"。但讲句公道话，唔系依家嘅综艺节目比唔上《今夜不设防》，只不过，时代变紧、文化都变紧，「好」嘅标准一直都变紧！