连夺两奖 郑欣宜预告再开分店！ 关淑怡继续保释 要再到警署报到

关淑怡继续保释要再到警署报到

歌手关淑怡（Shirley）昨晚就上月16号涉嫌刑事恐吓及普通袭击被捕再到大屿山北分区警署报到，在警署逗留了十几分钟就在代表律师陪同下离开。

据知，关淑怡今次准予继续保释，等候警方调查，稍后需再到警署报到。

连夺两奖郑欣宜预告再开分店

歌手郑欣宜出席品牌颁奖礼活动，获得“最有广告价值艺人奖”及凭自家曲奇品牌夺得其中一个“香港最受欢迎品牌奖”。受访时表示多得客户赏识找她拍广告，问到收入可是增加？她谓开心，还要继续努力。

讲到曲奇品牌也夺奖，她开心表示品牌今日推出新产品两款蛋糕，问到可有意开实体店？她表示铜锣湾现有一间实体铺，现正试业中，预计五、六月会正式开张，而最近都忙于在九龙区睇铺开分店，希望今年内会开，问到开分店共投资多少钱？她谓：“数字嘅嘢唔到我讲。（有冇七位数？）唔识，数字嘅嘢唔使讲。”她亦谓有投资者找他们在马来西亚开分店，预计明年会开。

讲到有指她推掉工作撑爸爸郑少秋做其演唱会嘉宾，她表示确有此事：“半世纪庆祝梗系要去到，非常难得。（推咗百万工作？）边有咁夸张，从来唔讲数字。（但爸爸系咪好开心你撑佢？）系呀，唔好话边个撑边个，系一齐庆祝。”问到到时两人可是合唱？她谓：“到时卖飞嚟睇就知。（爸爸唱你首《女神》？）卖个关子先。”问到怎样支持爸爸排练？她笑言：“唔好烦佢。（会唔会煲汤畀佢饮？）佢煲汤仲叻过我。”

祖儿怕杨丞琳误会唔敢私讯李荣浩追歌

英星歌手容祖儿、李克勤、古巨基、Twins及泳儿等出席澳门威尼斯人举行的《全球华语榜中榜》颁奖礼，当晚颁奖礼颁出45奖项，其中祖儿和克勤分别赢得「榜中榜最佳女歌（港台）」及「亚洲全能歌手」，而克勤还获得「榜中榜最佳男歌手（港台）」及凭《一个都不能少》赢得「Channel V 年度最受欢迎MV」。

至于祖儿日前完成演唱会后，她坦言现时心情终于变轻松如释重负。讲到会带母亲去旅行充电？祖儿谓：「系呀，带啲阿妈级，阿珠妈类，敬老行动嚟。（男友刘浩龙陪行？）佢拍戏呀！（师兄妈咪有冇分去？）冇喎，（唔行奶奶政策？）唔好讲呢啲嘢啦，讲番啲正经嘢啦。」有冇追求者呀？祖儿亦笑道：「咁又太睇得起我，我今年驿马星动。（系咪应该红鸾星？）我出埠嘛，我Market都好大㗎。」

而祖儿又谓刚在颁奖礼后台见到李荣浩。想向他追歌债？她笑谓：「系呀，我畀个眼神佢囉，又冇刻意追，同佢讲加油囉。（怕佢唔明？）希望佢明啦（会唔会写歌都写畀女友杨丞琳先呢？）咁我又冇刻意追，你哋知我面皮又唔系好厚，要追佢歌，都系透过公司同事问好啲。（冇抄佢牌咩？）有呀，少少怕丑呀！（怕佢女友睇到你私讯佢唔太好？）咪系，夜麻麻同人讲句你好吗咩？」

唔使食虎鞭！古巨基造人冇声气赖老婆忙

歌手古巨基在颁礼中夺“榜中榜最佳专辑”及“亚洲影响力最受欢迎男歌手”两奖，基仔称已好少出席颁奖礼，而今次最佳专辑是由向哥哥张国荣致敬，所以对自己是好有意义。而去年未有出广东专辑，今年会筹备出广东专辑。

至于造人方面，基仔坦言：“咁广东碟同造人同行啦！我有努力冇偷懒，系老婆佢太忙。”有冇请教人攞生仔偏方？基仔说：“冇特别搵喎，都系传统嘅方法，用下中药调理，冇咩古灵精怪方法。”有冇食虎鞭？基仔即言：“唔使食呢啲，啲鞭畀第二啲人食啦，其实我真系有心有力…点解我会讲有心有力？通常年长人先讲。”基仔称赶搭船返港，大家笑他赶返去造人，基仔笑谓：“老婆都催啦，我要快啲返去，呢啲都计时辰咩。”

张智霖后悔结婚冇斟茶畀父母

艺人张智霖（Chilam）出席活动，与同场的女星锺楚红及关之琳合照，他接受访问时自爆二人都是其女神，他笑说：“同佢哋合照压力好大，两位都系殿堂级美女，代表住香港嘅女神。（咁太太袁咏仪呢？）呢个日日都有合照。”

日前他担任好友郭富城婚礼兄弟？问到好不好玩？他说：“好开心，我都系去到先知要做咩，都有顶酒，但成个过程都好顺利，大家都冇为难大家，开门嗰啲都好顺利，我并无虚言。（有冇玩新郎？）冇，我哋系好正经。（网民话你抢晒镜系最靓仔嘅兄弟？）过奖啦，唔好玩我，嗰晚觉得好幸福，见到城城屋企人，每个人都充满着幸福笑容，对比番自己真系做少咗，冇斟茶畀双方父母，觉得有少少遗憾，会对佢哋好啲补偿番。”

而Chilam与太太就送了一对香槟杯作新婚礼物，希望一对新人好事接踵而来，双喜临门。再问到新娘方媛是否已有喜？他即扮傻说：“唔系好清楚，唔知系咪有咗？因为畀幸福包围住，睇唔到啲咩蛛丝马迹。（咁邱瓈宽话下次结婚请佢喎？）我唔识答。（城城外父系咪话由细听佢歌大？）我听唔到。”