《心理追凶》热播，马明造型似霍建华，剧情似足内地电视剧？！

日前，TVB重头戏《心理追凶》终于首播喇，男主角係好多人嘅男神 头号笋盘—马国明！一直以来马明都被无线视为炮灰，喺无线咁多年都半红不黑，冲击唔到视帝。今次马明终于执到好签，饰演心理医生角色，人设够晒高大上！而且剧情由係无线较为擅长而且又係观众中意嘅 悬疑缉凶题材，定档九点半，相信都会几吸引眼球。

係剧中，马国明饰演心理学家钟泰然，负责协助警方破案，聪明有型，平时有够晒平易近人，但係其实好看重感情，同样为心理学家的女朋友被蓄意撞死，对钟泰然打击好大。

不过女主角就係荣登网民票选TVB最“难顶”演员之一嘅蔡思贝，唔知马明可唔可以力挽狂澜，同蔡思贝擦出不一样的火花呢？

蔡思贝喺剧中饰演一名社工。自细同哥哥童日喺孤儿院长大，由于哥哥拥有自闭症，无法同其他人妥善沟通，所以经常要为哥哥执手尾。后来因为社工活动，认识到马国明饰演嘅心理学家钟泰然，意外发现对方正调查自己读大学当年发生嘅命案，而自己更係命案嘅关键人物。

蔡思贝嘅哥哥就由杨明饰演，患有阿斯伯格综合症，虽然智商高达165，不过缺乏社交能力。后来接受心理学家泰然嘅心理治疗，两人一见如故，童日更乐于跟泰然一同查案，经常运用自己高人一等嘅智慧发掘线索。不过佢因为调查案件嘅关系，遇上宿敌重案组督察胡天扬……

虽然呢套剧表面上同TVB以前嘅悬疑缉凶剧相似，但係其实《心理追凶》除咗描述凶案之余，更侧重于描写马国明心理嘅阴暗面，为咗查出女朋友嘅死亡真相，利用心理医生嘅身份，做尽各种过界嘅行为，甚至慢慢出现心理问题出现幻觉，一步一步走入万劫不复嘅深渊....

马国明之前凭借《On Call 36 小时》嘅深情角色“一件头”深得民心，但係之后就又翻去拍喜剧例如《流氓皇帝》、《为食神探》，今次终于可以再做专业人士，饰演嘅角色明显有好大嘅发挥空间，如果可以好好把握，加上今次剧集档期唔错，完全有机会冲击今年视帝！

播出咗两集后，口碑都几唔错。不过有眼尖嘅观众发现，点解好似有少少两年前嘅内地电视剧《他来了，请闭眼》！

两部剧集都係讲述心理医生协助缉凶嘅故事。《他来了，请闭眼》改编自同名推理小说，主要讲述咗由霍建华饰演嘅全球著名犯罪心理学家喺破解离奇案件嘅同时收获爱情嘅故事。

人设、剧情相似都算喇，但係连男主角嘅造型都好相似！西装骨骨，外套只扣一粒纽，成个感觉都好相似。

《他来了，请闭眼》中，霍建华饰演心理学家嘅西装造型。

《心理追凶》中，马国明饰演心理学家嘅西装造型。

甚至连平时放工嘅私服造型都尤其相似！ 例如呢件深蓝色V领T恤。

《心理追凶》马国明造型▲

《他来了，请闭眼》霍建华造型▲

平时工作嘅造型▲

除此之外，两部剧集仲有某啲场景都好相似：《他来了》係霍建华着白衬衫，身后坐住长发马思纯嘅场景；而喺《心理追凶》 中马国明有一幕就好相似，只係女角换成同样係长发嘅杨秀惠。

而且通常悬疑缉凶剧，主演嘅身边一定会有一个比较犀利嘅朋友，协助一齐破案。就好似福尔摩斯身边肯定有个华生一样，喺《心理追凶》入面，敖嘉年就扮演呢个角色，饰演一名重案组督察胡天扬，经常联手马国明破奇案。

胡天扬以第一名成绩喺警校毕业，当差后 屡屡破案，但係喺早年一次卧底行动脚部重创，前途尽毁。

而喺《他来了，请闭眼》中，警察一角就由王凯饰演。擅长玩枪，枪法极准，係警队嘅杰出人才。

最尴尬嘅係《他来了，请闭眼》呢出内地剧集，无线早就买咗播映权，呢家就喺星期日下午1点播， 如果观众两套剧同时追，真係好容易“傻傻分不清楚”。