由妓女演到社工， 落选港姐同大台分手：你想走呀？走喽！

「我的离开也是爱……」许廷铿就咁样唱，前港姐「咪神」陈洁玲决定离开大台了。

佢接受传媒访问时，咁样形容同大台嘅「分手」：「都系和平结束宾主关系」。

陈洁玲2012年参选港姐，因为面形酒凹貌似女神陈妍希，气质出众成为大热，一度晋身16强。

然而风头正盛的她却是非不断，先是外貌被指整容，从那些年的旧照所见，陈洁玲的双眼皮不及现在深，似已改造过。

少女时代的陈洁玲更拥猪胆鼻，现在却变成间尺鼻，鼻梁位置收窄不少，脸形也由U形变成V形，进化速度离奇地快。

其次陈洁玲更是被指与已婚导演彭发过从甚密，甚至有指她开设的时装店是彭发打本支持。

不过陈洁玲澄清是好几年前读幕后制作时，有邀请导演同幕后出席讲座，所以认识了，但佢冇追她。

后来陈洁玲签约无线，成为26期演艺训练班成员。可是相比张名雅黄心颖朱千雪等，陈洁玲仍然都系浮浮沉沉。

包括喺《爱·回家》分身演模特儿、伴娘、美少女战士、康唯、Stephy、Katie等等，喺35套剧里面，都系做闲角，或者串星，由妓女、犯罪心理学学生、陪酒女郎做到记者，又拍下旅游特辑咁，彷彿无处不在，但又面目模糊。

因为没有代表作陈洁玲终于决定离开，由参加港姐至今，差不多五年，陈洁玲坦言最唔舍得同事：「尤其系训练班嗰啲，好多幕后同事对我好好，虽然啲人话公司冇咩人情味。」

至于大台可有挽留？陈洁玲称：「又冇喎！(由你走？)系呀！我又冇谂呢样嘢喎，可能佢哋觉得『你想走呀？走囉！』我都有啲惊，其实我计过我有半年冇返公司，可能争公司一啲show，惊公司叫我还show，佢净系话『你返嚟填番啲文件，搞番啲手续就ok』。」

陈洁玲还说「当初入嚟系想见识下心态，做耐咗就发现，公司太大，太多部门，架构太复杂，好多时佢冇可能照顾每个需求，喺入面好被动，真系要等机会，唔知要等几耐。」

「喺大机构工作，大家都明要做好多门面嘢，要比较卑躬屈膝啲，但我自己有个坚持，我系想做演员，唔想为咗得到机会而磨平自己啲棱角，如果咁就冇咗自己character。」

0依家咁多平台，陈洁玲自言想试多啲嘢，会尝试拍电影，例如网络电影咁；至于签经理人，佢话暂时想自由身先。

离开也许更好，祝福陈洁玲以后越来越好~